Chain letter para sa CAMTECO members

Kuguita, Mambajao, Camiguin
Mayo 19, 2015

Sa akong mga kauban nga miyembro sa CAMTECO,

Maayong adlaw kaninyo. Ako si Nandy Dagondon. Sa mga bag-ong miyembro, kining inyong kauban maoy unang Manager sa CAMTECO gikan sa 1992 (sa nag-operate pa kita ug PCO sa kilid sa daan nga Kapitolyo atbang sa simbahan) hangtod sa Octobre 1998.

Sa akong pag-uli, karon lang bulana, daghan ako’g komentaryo nadunggan sa atong kooperatiba:

  1. Akong paryente nga CPA nag-ingon “bankrupt” na ang CAMTECO basin sa Financial Statement
  2. Akong ig-agaw sa Tupsan nag-reklamo Mayo 5 pa wala na sila’y dialtone (apil pud diay ang Catarman). I-surrender daw nila ilang linya ug bawi-on nila ilang P4,000.
  3. Ako mismo naka-kita sa PLDT installation team atbang sa hospital. Dugang inpormasyon akong nabati – i-network (ang mga computers) sa upat ka LGU offices – Kapitolyo, Munisipyo, CPSC ug Hospital

Dako kaayo ang kita nga mawala sa CAMTECO sa pag-sulod sa PLDT. Ang hospital ra ba, advance kaayo ang ilang telephone system – pwede ma-local extension ang Kapitolyo, Munisipyo ug CPSC. Kaya sa hospital phone system, bisan pa’g 1,000 ka extension phones, kaya. Andam pud ang hospital engkaso mawala ang CAMTECO. Sulayi pag-tawag ninyo kini nga mga numero, di ba pareho ang inyong madunggan: 387-1216, 0949-482-5575 (Smart) o 0906-366-2444 (Globe TM).

Niadtong Octobre 1998, pag-aprobar sa BOD sa akong resignation, si Mr Heinz Pomplun niingon “Watch the downfall of CAMTECO”. Daghan ang nakabati sa iyang guipa-mulong sa RJ Restaurant. Mora’g niabot na ang guipa-nagna ni Mr. Pomplun. Isa-isahon nako pag-tuki ang mga huhungihon nga akong nabati.

Kadtong nag-ingon nga i-surrender nila ilang membership, akong ika-sulti dili kita mag-dali-dali. Nag-ingon si Haring Solomon “ayaw pag-desisyon sa imong kasuko o sa sobrang kalipay ba”. Nia’y dagha’ng inpormasyon akong ihatag kaninyo para atong timbang-timbangon.

Atong unahon kining huhungihong nga “paliton sa PLDT ang CAMTECO”. Naa’y probisyon sa deed of donation tali sa gobyerno sa Germany ngadto sa gobyerno sa Pilipinas nga “dili mabaligya sa CAMTECO ang system o ekipos” – mga ekipos nga nag-hatag ug dialtone.
Kun dili gayod mapugngan nga mag-stop operation ang CAMTECO, ang national government maoy mag-dumala sa ekipos (siguro ubos sa DOTC).

Isa lang ka ahensiya sa gobyerno nga maka-operate sa CAMTECO nga menos gastos – ang provincial government ra. Makapasaka ug resolution ang SP ngadto sa DOTC pag-gamit sa mga ekipos, hayan tugotan kini sa DOTC kay dili na man ma-ibot ang mga tower, mga poste ug mga kable (sa akong bana-bana dili mo-menos 40% sa balor sa network). Kung uli-an kita sa probinsiya sa atong P4,000 o P8,000 nga fixed deposit, ma-dissolve ang CAMTECO – membership ug BOD. Ang mga empleyado mawad-an sad ug trabaho. Ang SP na ang mag-resolusyon pila ang monthly fee, long-distance fee, etc.  mapareho sa MISORTEL.

Kun dili ninyo kini gusto nga mahitabo? Akong ipa-dayon ang uban nga option o solusyon.

#2 mag-LOAN. Pero kun mag-loan lang kita para lang molugway ang operation (ex. dili maputlan sa PLDT), sama lang kini nga gui-dialysis ang CAMTECO. Kadugayan, mamatay lang guihapon.
PERO kun mag-LOAN kita para pag-finance sa mga BAG-O nga serbisyo o teknolohiya sama sa:

  1. Portable (wireless) landline (sama sa PLDT Landline Plus) – pwede nga madala-dala ang telepono (cellphone unit) sa isla. Pwede matawagan ug landline (local call lang), NDD ug IDD. Magamit sad pag-tawag ug landline, NDD ug overseas nag-agad lang sa plan ug sa “remaining balance” kun pre-paid. Pwede mag-text message.
  2. Ang sestima sa wireless landline, magamit sad sa wireless Internet. Pwede nang mahatagan ug koneksyon kadtong naa’s kabukiran (daghan ra bang foreigner)
  3. VoIP – pwede kadtong taga-Camiguin naa’s abroad (UK, USA, NZ, etc) ma-local subscriber sa CAMTECO. LOCAL CALL abroad-to-CAMTECO o CAMTECO-to-abroad. Magbayad pud sila ug monthly sa CAMTECO.

Maka-dugang kini’ng tanan sa income sa CAMTECO bisan pa’g mag-bayad kita ug interes sa loan. Kini, tipik lang unsay mahimo sa bag-ong teknolohiya ug serbisyo para maka-bangon ang CAMTECO. Pero … para sa hapsay nga pag-implementar niini nga mga proyekto, akong i-say-say akong eksperyensa sa Islacom.

Ang akong gui-huptan sa Islacom, OPERATIONS lang, sa entiro Bisayas. Kun naa’y mga bag-o nga service area, towers, relay o teknolohiya nga itukod, naa’y ENGINEERING division. Dawaton lang sa OPERATIONS kun mo-pasar ang guipa-installar sa ENGINEERING. Entonsis, ako’ng ika-rekomendar sa CAMTECO nga naa’y committee para sa “New Products, Services and Marketing” – buwag sa Operations. Ang committee pwede nga maka-hire ug consultant.

Kining Marketing, usa kini sa mga importante nga rekomendasyon sa Workshop niadtong 1995 (man siguro) didto sa Costabella Resort, Lapulapu City. Dili tiaw-tiaw kadto nga Workshop kay naa ang mga eksperto naka-apil – 2 ka PLDT managers, 2 sa DOTC, 2 sa NTC, 2 sa Deutsche Telekom (partner sa Islacom), 2 sa PAPTELCO (Mr Wilson ug James Morrell – tag-iya sa TMSI), GTZ (Mr Marx ug Mr Pomplun) ug CAMTECO Board of Directors. Ang dokumento sa Workshop naa ra siguro sa files sa CAMTECO.
Isa lang ka-ehemplo unsa ka importante ang Marketing. Pag-instalar sa fiber-optic cable sa entiro isla, maka-offer unta ang CAMTECO pag-network sa tanan LGU apil mga munisipyo sa Catarman, Sagay, Mahinog ug Guinsiliban niadto pa. Dili unta maka-sulod ang PLDT.

Ika-duha, naa na’y Internet ang CAMTECO office niadtong pang 1995! Ang unang serbisyo nga ma-offer unta nato – Email. Napulo pa ka-tuig ayha pa ni-abot ang broadband Internet. Ang Marketing unta ang namagligya sa mga subscribers (kasagaran ngadto sa mga foreigners).

Importante sad sa Marketing – unsaon pag-kabig ang mga customers sa Globe, Smart ug Sun. Mga ehemplo lang:

  1. Unli-text P5-10 kada semana!
  2. Unli-call guikan sa 12 midnight to 6 a.m.
  3. Pre-paid CAMTECO SIM – para maabot bisan sa mga habal-habal drivers
  4. Unsaon ma-reduce ang local calls guikan sa P1.00/min ngadto sa P0.10/min nga dili ma-apektahan ang kalidad sa serbisyo
  5. Ang local pulses mo-sugod ug patak human sa 3 minutos
  6. Bisan unsa pa nga mga promos

Himoon tanan sa bag-ong committee unsaon pag-kabig sa mga cellphone users ngadto sa CAMTECO portable phone/Internet services.

Kun dili mo ani, niay pay Option #3 – pa-abangan (LEASE) ang network (kay dili man ma-baligya). Ang mga towers, mga poste ug mga kable, na-plastar na. Sayon na kayo sa mo-abang pag-operate. Ang annual rental pwede maoy bahinon sa mga miyembro as “dividends”. Ang BOD naa guihapo’y gamay’ng honorarium kay dili na man sila mag-meeting pirme.

Pero ato sa’ng bantayan nga dili mabarato ang “rental”! Dili lang I-base sa “depreciation”. Kinahanglan naa’y mga financial experts sa telecom para ma-assess ang “working assets” sa CAMTECO. Basin unya’g mag-katawa lang ang mo-abang sa kabarato!
Mao kini nga rason nga kadtong nag-huna-huna pag-kuha si ilang P4,000 o P8,000 nga dili mag-dali-dali. Simpleng pangutana lang – sa atong P4,000/P8,000 maka-tukod ba kita ug telephone system?

Nigasto ang German gov’t ug sobra P50-M para sa mga initial 400 subscribers. Sama ra nga tig-P125,000 ang guihatag nga “asset” sa kada miyembro [o P129,000 apil sa atong fixed deposit]. Mao-gyod kini ang tinuoray nga balor sa pagka-miyembro sa CAMTECOP129,000. Mao siguro nga ang kadaghanan sa mga miyembro wala na magpa-kabana kay nag-tuo sila nga P4,000 ra ang balor.

Maayo unta’g na-abli nako inyong mga mata. Kun naa’y ipatawag nga special general assembly meeting, dili kita mag-dali dali pag-botasyon. Taga-i ug pipila ka semana nga ma-hisgot-hisgotan kini nga mga inpormasyon.

Ika-duha, SABTA UG MAAYO kining akong gui-saysay kaninyo kay DILI AKO mangugat pag-pasaka ug mga motion sa Gen Assembly.

Ika-tulo, dili nako makaya nga hatagan ug kopya ang gatusan ka mga miyembro. Kamo nga naka-dawat niini, inyo na kini’ng obligasyon kun nag-lantaw pa kamo sa pag-salbar sa CAMTECO.

Andam akong motubag sa mga pangutana. Mag-hatag ako sa akong contact number. Pero mas maayo unta ang pangutana sa usa’g usa (ug ang akong tubag) MABASA sa TANAN. So ako kini’ng i-post sa website:

camiguintelekom.wordpress.com (kini nga website)

Isulat lang inyong mga pangutana sa papel. Sugo-a inyong anak, apo o bisan kinsang batan-on pag-comment sa website. Pwede sad i-text inyong mga pangutana.
Sa katapusan, ako naa’y mga kasaypanan sa nag-serbisyo pa ko sa CAMTECO. Unta ato kining mapadaplin para ma-salbar nato atong kooperatiba.

Kini sad wala’y bulok politika o pagpaka-uwaw. Nahisulat man nga ang tanan nga namunuan pagatahoron kay ang ilang gahom hinatag gikan sa kahitas-an. Sama ra kang Ponsio Pilato – ang Ginoong Hesukristo naga-ingon kaniya “wala kay gahom batok kanako kun wala kini gihatag sa kahitas-an” [Juan 19:11]

Dinhi na lang ko kutob. Lamdagan unta sa kahitas-an ang atong mga pang-huna-huna.

Matinahuron,

(Sgd.) Genciano “Nandy” Dagondon (387-0900)
Cebu: (032)340-1807
Cellphone: 0920-637-3450 (Smart); 0927-286-1817 (Globe/TM)

– – – – – – – –
Kun gusto mo’g hard-copy:  Download printable PDF file – 4 long-size paper

About hellocamiguin

Pioneer of the Camiguin Telephone Network
This entry was posted in Innovations. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s